ტრამპმა პუტინს ვაშინგტონის სამიტის დეტალები გააცნო – უშაკოვი

რუსეთის პრეზიდენტის თანაშემწემ, იური უშაკოვმა დაადასტურა, რომ დონალდ ტრამპსა და ვლადიმირ პუტინს შორის სატელეფონო საუბარი შედგა.

პუტინის თანაშემწემ სამთავრობო მედიებს საუბრის დეტალები გაუმხილა:

• აშშ-სა და რუსეთის ლიდერებს შორის საუბარი 40 წუთი გრძელდებოდა;
• დონალდ ტრამპმა ვლადიმირ პუტინს ვოლოდიმირ ზელენსკისთან და ევროპელ ლიდერებთან შეხვედრის დეტალები გააცნო;
• ტრამპმა და პუტინმა რუსეთ-უკრაინის პირდაპირ მოლაპარაკებების იდეაზე ისაუბრეს;
• ორივე პრეზიდენტმა მხარი დაუჭირა რუსეთისა და უკრაინის დელეგაციების პირდაპირი შეხვედრების გაგრძელებას;
• ლიდერები შეთანხმდნენ მომავალშიც ხშირად იკონტაქტონ რუსეთ-უკრაინის ომის საკითხზე;
• პუტინმა საუბარში აღნიშნა ტრამპის ჩართულობის მნიშვნელობა კონფლიქტის რეგულაციის საკითხებში;
• რუსეთის პრეზიდენტმა ალასკაში “თბილი დახვედრისთვის”, შეხვედრის მსვლელობისას მიღწეული პროგრესისთვის ტრამპს მადლობა გადაუხადა;