არასამთავრობოების წარმომადგენლებმა სტრასბურგში, ევროპის საბჭოს საპარლამენტო ასამბლეაზე მზია ამაღლობელის გათავისუფლება მოითხოვეს

არასამთავრობო ორგანიზაციების წარმომადგენლებმა სტრასბურგში, ევროსაბჭოს საპარლამენტო ასამბლეაზე, „ბათუმელებისა და „ნეტგაზეთის“ დამფუძნებელს, მზია ამაღლობელს სოლიდარობა გამოუცხადეს.

„თავისუფლება მზია ამაღლობელს“; „თავისუფლება პოლიტპატიმრებს საქართველოში“, – წერია საპროტესტო ბანერებზე.

სოლიდარობის აქციაში მონაწილეობდნენ: „საქართველოს ახალგაზრდა იურისტთა ასოციაციის“ თავმჯდომარე ნონა ქურდოვანიძე; „სამართლიანი არჩევნებისა და დემოკრატიის საერთაშორისო საზოგადოების“ თავმჯდომარე ნინო დოლიძე; „საბჭოთა წარსულის კვლევის ლაბორატორიის“ წარმომადგენელი, გიორგი კანდელაკი; „სამოქალაქო საზოგადოების ფონდის“ წევრი, გიორგი ბურჯანაძე, „საერთაშორისო გამჭვირვალობა – საქართველოს“ წევრი, გიორგი ონიანი და „დემოკრატიის კვლევის ცენტრის” ხელმძღვანელი, უჩა ნანუაშვილი