კვირას, დიდი ბრიტანეთის პრემიერ-მინისტრმა კირ სტარმერმა და აშშ-ის პრეზიდენტმა დონალდ ტრამპმა სატელეფონო საუბრისას უკრაინაში ომის „სამართლიანი და მუდმივი დასრულების“ მიღწევის მცდელობები განიხილეს. ამის შესახებ Reuters კირ სტარმერის ადმინსიტრაციის განცხადებაზე დაყრდნობთ იუწყება.
„ლანჩის (21 დეკემბერი) შემდეგ, პრემიერ-მინისტრმა საუბარი გამართა შეერთებული შტატების პრეზიდენტ დონალდ ტრამპთან. ორი ლიდერის საუბარი უკრაინაში ომის განხილვით დაიწყო. პრემიერ-მინისტრმა მიაწოდა ინფორმაცია „მსურველთა კოალიციის“ მიერ სამშვიდობო შეთანხმების მხარდასაჭერად და საომარი მოქმედებების სამართლიანი და მდგრადი შეწყვეტის უზრუნველსაყოფად გაწეული საქმიანობის შესახებ“, – აღნიშნულია განცხადებაში.
ასევე აღნიშნულია, რომ მხარეებმა ღაზაში არსებული ვითარება განიხილეს. სტარმერმა ასევე გამოაცხადა დიდი ბრიტანეთის ახალი ელჩის დანიშვნის შესახებ აშშ-ში და იმედი გამოთქვა, რომ ეს კიდევ უფრო გააღრმავებს ორ ქვეყანას შორის ურთიერთობებს