უკრაინის ევროკავშირში გაწევრიანება უნგრეთის ეკონომიკას გააკოტრებს, ეს არის როგორც უნგრეთის ეროვნული ინტერესის, ასევე ევროპის ინტერესის საკითხი. თუ ეს საკითხი წინ წავა, კოლექტიურ ეკონომიკურ ხაფანგში გავეხვევით, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.
“ვიცით, როდის სურთ მათ მათი მიღება. ეს არ არის რაიმე ბუნდოვანი მომავალი; ის აქ არის, ჩვენს კარზე აკაკუნებს. დაივიწყეთ ზღაპრები იმის შესახებ, თუ როდის და როგორ. მათ სურთ ამის გაკეთება ახლავე, რაც შეიძლება სწრაფად. ამ უბედურმა ევროპელმა ლიდერებმა უკვე გაუგზავნეს 140 მილიარდი ევრო უკრაინას. ეს ფული რომ ევროპულ ეკონომიკაში ყოფილიყო, სტაგნაციის ნაცვლად ზრდა იქნებოდა. სამ წელიწადში უნგრეთმა ომის გამო 20 მილიარდი ევრო დაკარგა. ჩვენ 10 მილიონიანი ქვეყანა ვართ. თუ ამდენი დავკარგეთ, რამდენი დაკარგეს გერმანელებმა, თავიანთი 84 მილიონიანი მოსახლით?
ბრიუსელის ელიტას ერთად უზარმაზარი სესხების აღება სურს. თუმცა, ვალი გაკოტრებამდე მიგვიყვანს. თუ ჩვენ ისე ვისესხებთ, როგორც ახლა, როდესაც ევროპა არაკონკურენტუნარიანია, ჩვენს შვილებსა და შვილიშვილებს ვალების მთას დავუტოვებთ. ეს არის გზა გიგანტური კოლაფსისკენ”, – აღნიშნა ორბანმა.