ნატო-ში აშშ-ის მუდმივმა წარმომადგენელმა მეთიუ უიტაკერმა განაცხადა, რომ რუსეთის მიერ უკრაინის წინააღმდეგ ომის გადაწყვეტის მიღწევა მომდევნო 90 დღეში იქნება შესაძლებელი. ამის შესახებ უიტაკერმა Fox News-ის ეთერში განაცხადა.
“ამას თუ მივაღწევთ, მაშინ ეს მომდევნო 90 დღის განმავლობაში მოხდება. ვფიქრობ, საკამათო საკითხების უმეტესობა მოვაგვარეთ. პრეზიდენტ ტრამპის პოზიცია იმ ფაქტიდან გამომდინარეობს, რომ მკვლელობები უნდა შეწყდეს. ეს უაზრობაა. ეს ოთხი წელია, გრძელდება. ვერავინ იძენს სტრატეგიულ უპირატესობას. სიკვდილი და ნგრევა უბრალოდ უნდა დასრულდეს. ნათელია, რომ ეს ზამთარი, შესაძლოა, ძალიან მკაცრი იყოს უკრაინელებისთვის, იმ თავდასხმების გამო, რომლებსაც რუსები ბოლო რამდენიმე თვის განმავლობაში ახორციელებენ მათ ენერგეტიკულ ინფრასტრუქტურაზე. მაგრამ ამავდროულად, უკრაინელები უმოქმედოდ არ სხედან. ვგულისხმობ, რომ ისინი ლობირებენ საკუთარი თავდასხმებისთვის რუსების წინააღმდეგ, რომლებიც აზიანებენ მათ ინფრასტრუქტურას და ნავთობისა და გაზის ინდუსტრიებს,” – განაცხადა უიტაკერმა