საფრანგეთის პრეზიდენტმა ემანუელ მაკრონმა დაგმო რუსეთის მიერ უკრაინის ენერგეტიკულ და სარკინიგზო ინფრასტრუქტურაზე მასირებული იერიშუ და პირობა დადო, რომ გააგრძელებს კიევის მხარდაჭერას მშვიდობის მისაღწევად. ამის შესახებ მაკრონი Х-ზე წერს.
მაკრონმა მკაცრად დაგმო ღამით უკრაინაზე განხორციელებული მასობრივი თავდასხმები, განსაკუთრებით კი მის ენერგეტიკულ და სარკინიგზო ინფრასტრუქტურაზე. მისი აზრით, რუსეთი „კონფლიქტის ესკალაციის გზაზეა და მშვიდობისკენ არ ისწრაფვის“.
“ჩვენ უნდა გავაგრძელოთ რუსეთზე ზეწოლა, რათა ის ვაიძულოთ, აირჩიოს მშვიდობა. ორშაბათს ლონდონში გავემგზავრები, რათა შევხვდე უკრაინის პრეზიდენტს, დიდი ბრიტანეთის პრემიერ-მინისტრს და გერმანიის კანცლერს, რათა შევაფასო სიტუაცია და აშშ-ის შუამავლობით მიმდინარე მოლაპარაკებების პროგრესი. ჩვენ გავაგრძელებთ ამ ძალისხმევას ამერიკელებთან ერთად, რათა უკრაინას მივაწოდოთ უსაფრთხოების გარანტიები, რომელთა გარეშეც ძლიერი და მდგრადი მშვიდობა შეუძლებელია. ყოველივე ამის შემდეგ, უკრაინაში ევროპის უსაფრთხოებაც საფრთხის ქვეშაა”, – განაცხადა მაკრონმა.
გასულ ღამეს, რუსეთის შეიარაღებულმა ძალებმა უკრაინის რამდენიმე ქალაქზე რაკეტებითა და დრონებით მასშტაბური დარტყმები განახორციელეს