მოლდოვის საპრეზიდენტო არჩევნებში მაია სანდუმ გაიმარჯვა

“მოლდოვა დღეს შენ გაიმარჯვე. ჩვენ ვაჩვენეთ ჩვენი ერთიანობის, დემოკრატიის და ღირსეული მომავლისადმი ერთგულების ძალა,” – დაწერა სანდუმ X-ზე

მოლდოვის საპრეზიდენტო არჩევნების მეორე ტურში მაია სანდუმ გაიმარჯვა. ქვეყნის ცენტრალური საარჩევნო კომისიის მონაცემებით ,ხმების 99.50%-ის დათვლის შედეგად პროევროპელ კანდიდატს მაია სანდუს 55.25% ( 923610 ხმა) აქვს, მის კონკურენტს ალექსანდრ სტოიანოგლუს კი 44.75% (748 161). მაია სანდუს გამარჯვებაში გადამწყვეტი როლი დიასპორამ შეასრულა.
სანდუ მხარს უჭერს ქვეყნის პროდასავლურ გზას და ევროკავშირში გაწევრიანებას. არჩევნებში აქტივობამ 54,3% შეადგინა.