გერმანიის საგარეო საქმეთა სამინისტრო – მასობრივი საპროტესტო აქციები ნათლად აჩვენებს, რომ საქართველოში ბევრ ადამიანს მომავალი კვლავ ევროკავშირში სურს

მასობრივი საპროტესტო აქციები ნათლად აჩვენებს, რომ საქართველოში ბევრ ადამიანს მომავალი კვლავ ევროკავშირში სურს, – ამის შესახებ გერმანიის საგარეო საქმეთა სამინისტროს პრესსპიკერმა, სებასტიან ფიშერმა განაცხადა:

“მნიშვნელოვანია, რომ საქართველომ ამ გზით წასვლა გადაწყვიტოს და ხალხს, რომლებსაც საპროტესტო აქციებზე ვხედავთ, ამ გზით სვლა სურთ. ასევე, ბოლო რამდენიმე დღის განმავლობაში მიმდინარე მასობრივი საპროტესტო აქციები ნათლად აჩვენებს, რომ საქართველოში ბევრ ადამიანს მომავალი კვლავ ევროკავშირში სურს. გერმანიის მთავრობა ქართველი ხალხის გვერდით დგას, რომელიც დემოკრატიის, აზრის თავისუფლებისა და ადამიანის უფლებების ევროპული ღირებულებების ერთგულია”