უკრაინის თავდაცვის ძალებმა დნიპროპეტროვსკის ოლქში რუსი ოკუპანტებისგან ხუთი სოფელი გაათავისუფლეს: ორესტოპოლი, ნოვოსელოვკა, სოსნოვკა, ხოროშე და ვორონოე. ამის შესახებ უკრაინული მედია 225-ე ცალკეული მოიერიშე პოლკის ინფორმაციაზე დაყრდნობით იუწყება.

“დასახლებული პუნქტების გათავისუფლების ოპერაცია 2025 წლის შემოდგომაზე 100 დღეზე მეტხანს გაგრძელდა, მე-20 არმიის კორპუსის მებრძოლების მხარდაჭერით. მთელი ამ ხნის განმავლობაში 225-ე ცალკეული მოიერიშე პოლკის მე-3 მოიერიშე ბატალიონის ჯარისკაცები პოზიციებზე რჩებოდნენ და კონტრშეტევებს ახორციელებდნენ”, – განაცხადეს დანაყოფში.

მათ ამ ოპერაციას უნიკალური უწოდეს, რადგან დანაყოფი განუწყვეტლივ ინარჩუნებდა პოზიციებს და 100 დღეზე მეტი ხნის განმავლობაში წინ მიიწევდა. პოლკში აღნიშნეს, რომ ოპერაციაში მონაწილე ყველა ჯარისკაცი სახელმწიფო ჯილდოებზეა წარდგენილი