გაეროს უშიშროების საბჭომ სირიის პრეზიდენტს, აჰმედ ალ-შარაას და შინაგან საქმეთა მინისტრს, ანას ხატაბს, სანქციები მოუხსნა. გადაწყვეტილება ალ-შარაას თეთრ სახლში ოფიციალურ ვიზიტამდე სამი დღით ადრე მიიღეს.
სხდომაზე 15 ხმიდან 14 სანქციების მოხსნის სასარგებლოდ იყო, გადაწყვეტილების მიღებისგან მხოლოდ ჩინეთმა შეიკავა თავი.
ცნობისთვის, 13-წლიანი სამოქალაქო ომის შემდეგ, 2024 წლის დეკემბერში, სირიის პრეზიდენტი ბაშარ ალ-ასადი ისლამისტური ჯგუფის ჰაიათ თაჰრირ აშ-შამის (HTS) ხელმძღვანელობით მოქმედი ამბოხებული ძალების სწრაფი შეტევის შედეგად ჩამოაგდეს.
ზოგადად, 2016 წლამდე HTS სირიაში ალ-კაიდას ოფიციალური ფრთა იყო. 2014 წლის მაისიდან ჯგუფი გაეროს უშიშროების საბჭოს ალ-კაიდასა და ე.წ. “ისლამური სახელმწიფოს” წინააღმდეგ დაწესებული სანქციების სიაშია.
HTS-ის ზოგიერთი წევრი გაეროს სანქციების ქვეშ იმყოფებოდა, მათ შორის, მისი ლიდერი შარაა და ხატაბიც