უკრაინის უსაფრთხოების სამსახურის ხელმძღვანელის, ვასილი მალიუკის თქმით, პოლონეთში, ჟეშუვის აეროპორტში უკრაინის პრეზიდენტის მკვლელობა სცადეს. მისი თქმით, აეროპორტში მკვლელობას სამხედრო ვეტერანი ამზადებდა.
“დავალება ასეთი იყო: პრეზიდენტი ზელენსკის ფიზიკური ლიკვიდაცია ჟეშუვის აეროპორტში. განიხილებოდა რამდენიმე ვარიანტი. მათ შორის, ერთ-ერთი FPV ტიპის დრონი, მეორე კი სნაიპერული კომპლექსი”. – თქვა მალიუკმა.
უკრაინის უსაფრთხოების სამსახურის ხელმძღვანელის განმარტებით, СБУ-ს თანამშრომლებმა მკვლელობის მცდელობა პოლონეთის შიდა უსაფრთხოების სააგენტოს თანამშრომლებთან ერთად აღკვეთეს.
გარდა ამისა, მალიუკმა ზელენსკის მკვლელობის კიდევ ერთი მცდელობა გაიხსენა – გასულ წელს СБУ-მ დააკავა სახელმწიფო უსაფრთხოების სამსახურის პოლკოვნიკები, რომლებიც პრეზიდენტის მკვლელობას ФСБ-ს დავალებით ამზადებდნენ.