5
ანექსირებულ ყირიმში რუსული გამანადგურებელი სუ-30 ჩამოვარდა. ინციდენტი დაგეგმილი სასწავლო ფრენის დროს მოხდა.
“დღეს, დაახლოებით დილის 11:00 საათზე, ყირიმის რესპუბლიკაში დაგეგმილი სასწავლო-საწვრთნელი ფრენის დროს „სუ-30“ ტიპის თვითმფრინავი ჩამოვარდა. თვითმფრინავი ფრენას საბრძოლო მასალის გარეშე ახორციელებდა“, – ნათქვამია უწყების განცხადებაში.
რუსეთის თავდაცვის სამინისტრო ამტკიცებს, რომ ეკიპაჟმა კატაპულტირება მოახერხა და პილოტებს საფრთხე არ ემუქრებათ. ინციდენტის დამატებითი დეტალები ჯერ არ გავრცელებულა.
მედიის ცნობით, რუსული მრავალფუნქციური გამანადგურებელი Су-30СМ-ის სავარაუდო ღირებულება (მოდიფიკაციისა და კონფიგურაციის მიხედვით) დაახლოებით 50 მილიონი დოლარია