53
მოლდოვის პრემიერ-მინისტრი ალექსანდრუ მუნტეანუ უკრაინის დედაქალაქში ჩავიდა, – ინფორმაციას უკრაინული მედია ავრცელებს.
“მოლდოვის ხალხის სახელით, სოლიდარობის მკაფიო გზავნილს ვაგზავნი. ჩვენ უკრაინის გვერდით ვდგავართ, როგორც მეზობლები და მეგობრები, გაერთიანებულნი სამართლიანი და მდგრადი მშვიდობისა და ევროკავშირში ჩვენი საერთო მომავლისადმი ერთგულებით,” – წერს მოლდოვას პრემიერი სოციალურ ქსელში.
მისი ინფორმაციით, კიევში ვიზიტის ფარგლებში უკრაინის პრეზიდენტ ვოლოდიმირ ზელენსკისთან და პრემიერ-მინისტრ იულია სვირიდენკოსთან მოლაპარაკებებს გეგმავს.
ცნობისთვის, 2025 წლის შემოდგომაზე მოლდოვას პრეზიდენტმა მაია სანდუმ პრემიერ-მინისტრად ბიზნესმენი ალექსანდრუ მუნტეანუ წარადგინა, რომელიც მანამდე 20 წელზე მეტი ხნის განმავლობაში უკრაინაში ცხოვრობდა.