ვლადიმირ პუტინის პრესმდივანმა, დმიტრი პესკოვმა განაცხადა, რომ მოსკოვმა მიიღო “სამშვიდობო გეგმის ძირითადი პარამეტრები”, ჟენევაში კიევის, აშშ-ისა და ევროპის წარმომადგენლების მიერ მისი განხილვის შემდეგ.
“ძირითადი პარამეტრები უკვე შეთანხმებულია. მომავალ კვირას მოსკოვში გაიმართება დისკუსია,” – განაცხადა პესკოვმა.
პესკოვს ჰკითხეს, თუ ვინ უნდა აღიაროს „სამშვიდობო შეთანხმება“ — კონკრეტულმა ქვეყნებმა თუ გაერო-მ — პესკოვმა უპასუხა, რომ ეს მოლაპარაკებების დროს გადაწყდება.
“მოლაპარაკებების დროს ყველა ეს ნიუანსი უნდა განისაზღვროს. ჩვენ არ გვინდა, რომ წინ გადავუხვიოთ და დისკუსია ასეთი საჯარო მეგაფონის ფორმატში წარვადგინოთ; მიგვაჩნია, რომ ეს არასწორია”, – აღნიშნა კრემლის პრესმდივანმა.
მან ასევე არ დააკონკრეტა პუტინის სიტყვები იმის შესახებ, უნდა დატოვონ თუ არა უკრაინის შეიარაღებულმა ძალებმა მხოლოდ დონბასი თუ ასევე ზაპოროჟიესა და ხერსონის ოლქები, რათა რუსეთმა, სავარაუდოდ, შეწყვიტოს სამხედრო ოპერაციები.
„ახლა ყველა დეტალს არ განვიხილავთ. პრეზიდენტმა [რუსეთის] გუშინ ამის შესახებ განაცხადა. ეს ყველაფერი განხილული იქნება“, – თქვა პესკოვმა.