68
უკრაინის პრეზიდენტი ვოლოდიმირ ზელენსკი კოპენჰაგენში ევროპული პოლიტიკური გაერთიანების სამიტზე მივიდა, – ინფორმაციას დანიის საზოგადოებრივი მაუწყებელი DR-ი ავრცელებს.
დანიის საზოგადოებრივი მაუწყებლის ინფორმაციით, ვოლოდიმირ ზელენსკი დანიის პრემიერ-მინისტრს, მეტე ფრედერიქსენს სამიტის დაწყებამდე შეხვდა.
შეხვედრის შემდეგ დანიის პრემიერ-მინისტრმა, მეტე ფრედერიქსენმა ჟურნალისტებს განუცხადა, რომ უკრაინა დანიასა და ევროპას დრონების სფეროში დახმარებას გაუწევს.
„რამდენიმე საკითხი განვიხილეთ, განსაკუთრებით დრონების თემა. ჩვენ თანამშრომლობის გაღრმავებას ვაპირებთ. ჰიბრიდული ომის ერთ-ერთი მთავარი ასპექტი სწორედ დრონებია“, – აღნიშნა ფრედერიქსენმა