უკრაინის პრეზიდენტი ვოლოდიმირ ზელენსკი კიევში გერმანიის საგარეო საქმეთა მინისტრს, იოჰან ვადეფულს შეხვდა და ზამთრის წინ უკრაინელების დახმარების შესახებ ისაუბრა.
ამის შესახებ ზელენსკიმ X-ზე დაწერა.
„ჩვენ განვიხილეთ საჰაერო თავდაცვის გაძლიერება და ჩვენი ხალხის მხარდაჭერა ზამთრის პერიოდის წინ. ეს ნომერ პირველი პრიორიტეტია და მადლობელი ვარ გერმანიის ამ საკითხში ლიდერობისთვის და მისი ძალისხმევისთვის, რაც შეიძლება მეტი დახმარება გაგვიწიოს“, – აღნიშნა ზელენსკიმ.
მან ასევე დასძინა, რომ მათ განიხილეს გუნდების მუშაობა დრონების შესახებ შეთანხმების პროექტზე, რომლის ხელმოწერის მოახლოებასაც გეგმავენ.
ზელენსკიმ მადლობა გადაუხადა მინისტრს უკრაინაში ვიზიტისთვის, კერძოდ, ვეტერანთა IX საერთაშორისო ფორუმში მონაწილეობისთვის და უკრაინის რეგიონებში მომავალი ვიზიტისთვის, სადაც რუსული დაბომბვის გამო ვითარება რთულია.
ვადეფული კიევში შაბათს, 22 აგვისტოს უკრაინის დამოუკიდებლობის 35 წლის იუბილეს აღნიშვნამდე რამდენიმე დღით ადრე ჩავიდა