კანადის პრემიერ-მინისტრმა, მარკ კარნიმ განაცხადა, რომ აშშ-სთან სავაჭრო მოლაპარაკებები განახლდა მას შემდეგ, რაც კანადამ აშშ-ის ტექნოლოგიური კომპანიებისთვის გადასახადის დაწესების გეგმა გააუქმა.
მანამდე, კანადის მთავრობამ განაცხადა, რომ სავაჭრო შეთანხმების მოლოდინში კანადა ციფრული მომსახურების გადასახადს აუქმებს, რომელიც დღეიდან უნდა ამოქმედებულიყო.
კანადის პრემიერ-მინისტრის ოფისის განცხადებაში აღნიშნულია, რომ აშშ-ის პრეზიდენტი დონალდ ტრამპი და კანადის პრემიერი მარკ კარნი მოლაპარაკებების განახლებაზე შეთანხმდნენ იმისთვის, რომ შეთანხმება 21 ივლისისთვის შედგეს.
ციფრული მომსახურების გადასახადი კომპანიებისთვის კანადელი მომხმარებლებისგან მიღებულ შემოსავალზე 3%-იანი გადასახადის დაწესებას ითვალისწინებდა და ამერიკულ ტექნოლოგიურ კომპანიებს დააზარალებდა, მათ შორის Amazon-ს, Google-ს, Meta-ს, Uber-სა და Airbnb-ს