კობახიძე – გახარია თან გაქცეულია, თან ქვეყანაში უნდა, თან არ უნდა – მთელი ოპოზიცია, სრულ გაურკვევლობაში არიან – აქამდე პატრონებმა მიიყვანეს, მაგრამ, რა თქმა უნდა, ჩვენც დავეხმარეთ

გახარია თვითონ ვერ ჩამოყალიბდა, რა უნდა. თან გაქცეულია, თან ქვეყანაში უნდა, თან ქვეყანაში არ უნდა. თან არჩევნებში მონაწილეობა უნდა, თან არ უნდა, გამომდინარე იქიდან, რომ შანსებიც საკმაოდ შესუსტებული აქვს. აქედან გამომდინარე, მთელი ოპოზიცია, ეს პოლიტიკური პარტია და ეს ადამიანიც არის სრულ გაურკვევლობაში. აქამდე პირველ რიგში, ეს პოლიტიკური პარტიები პატრონებმა მიიყვანეს. რა თქმა უნდა, ჩვენც დავეხმარეთ, მაგრამ პირველ რიგში, ამ ყველაფერში განსაკუთრებული დამსახურება მიუძღვის რადიკალური ოპოზიციის პატრონებს. ამასთან არის დაკავშირებული ის შიდა დაპირისპირება, რომელიც არის მასსა და სხვა რადიკალურ პოლიტიკურ სუბიექტებს შორის. ეს მოსალოდნელი იყო და რა თქმა უნდა, ეს დაპირისპირება კიდევ უფრო გამწვავდება. იყო გარკვეული პროექტი, რომელიც სრული ფიასკოსთვის იყო განწირული და დასრულდა კიდეც ფიასკოთი – განაცხადა ირაკლი კობახიძემ