ავსტრალიაში გამართულ საპარლამენტო არჩევნებში გამარჯვება მოიპოვა მმართველმა მემარცხენე-ცენტრისტულმა ლეიბორისტულმა პარტიამ.
პრემიერ-მინისტრი ენტონი ალბანიზი, რომელიც 2022 წლიდან ხელმძღვანელობს ქვეყანას, შესაბამისად, კვლავ დაიკავებს მთავრობის მეთაურის პოსტს. ის გახდება პირველი ავსტრალიელი პრემიერ-მინისტრი ბოლო 20 წელზე მეტი ხნის განმავლობაში, რომელიც ზედიზედ ორჯერ დაიკავებს ამ თანამდებობას.
არჩევნების საბოლოო შედეგები ჯერ არ არის გამოცხადებული, თუმცა, როგორც ჩანს, ლეიბორისტები არამხოლოდ შეინარჩუნებენ საპარლამენტო უმრავლესობას, არამედ ადგილების რაოდენობას გაზრდიან კიდეც. არჩევნებამდე მათ 150-ადგილიან პარლამენტში 77 მანდატი ჰქონდათ. ოპოზიციური კოალიცია, სავარაუდოდ, სულ მცირე 5 მანდატს დაკარგავს, ხოლო მწვანეთა პარტიას, რომელსაც აქამდე 4 ადგილი ჰქონდა, სავარაუდოდ, მხოლოდ ერთი დარჩება.
ალბანიზს გამარჯვება მიულოცა აშშ-ის სახელმწიფო მდივანმა მარკო რუბიომ. მის განცხადებაში აღნიშნულია, რომ შეერთებული შტატები მზად არის გააღრმაოს ურთიერთობები ავსტრალიასთან საერთო ინტერესების მისაღწევად, მათ შორის, ინდო-წყნაროკეანურ რეგიონში თავისუფლებისა და სტაბილურობის დაცვის მიმართულებით