“ლელო” და გახარია როგორ შეიძლება ისინი იყვნენ ერთად? უბრალოდ აქვთ დავალება, რომლის არ შესრულებასაც ვერავინ გაბედავს – კახა კალაძე

როგორ შეიძლება ისინი ერთად იყვნენ, უბრალოდ დავალება აქვთ, – ასე შეაფასა თბილისის მერმა, კახა კალაძემ “ლელო” და პარტია “გახარია საქართველოსთვის” მიერ თბილისის მაჟორიტარობის საერთო კანდიდატების დასახელება.

“როგორ შეიძლება ისინი ერთად იყვნენ? უბრალოდ დავალება აქვთ. ვითომ პოლიტიკურ პარტიები სხვადასხვა სახელებს რომ ირქმევენ, მათ ჰყავთ ერთი პატრონი, იმართებიან გარედან. ვიღაცებს ეტყვიან, თქვენ მიიღეთ, თქვენ არ მიიღოთ არჩევნებში მონაწილეობა და ასრულებენ ამ დავალებებს, ვერავინ გაბედავს მათ არ შესრულებას. ისინი არიან ჩვეულებრივი აგენტები, როცა ხარ აგენტი არ ეკუთვნი არც საკუთარ თავს, არც ქვეყანას”, – განაცხადა კახა კალაძემ